काठमाडौं । नेपालमा कोरोना संक्रमण देखिए यताकै सबैभन्दा बढी पर्यटक चैत २६ गते नेपाल भित्रिएका छन् । अध्यागमन विभागको तथ्याकं अनुुसार चैत २६ गते एकैदिन दुई हजार ५९३ विदेशी पयर्टक नेपाल भित्रिएका हुन् । जुन कोरोना देखिए यताकै उच्च हो । विभागका महानिर्देशक नारायण भट्टराईले कोरोना संक्रमण देखिए यताकै सबैभन्दा बढी चैत २६ गते (अर्थात शनिवार विदेशी पर्यटक नेपाल भित्रिएको जानकारी दिए ।

उनले भने,‘दुईवर्ष यताकै सबैभन्दा बढी पर्यटक हिजो नेपाल भित्रिए यसले पनि पर्यटन क्षेत्रले गति लिन थालेको देखाउँछ ।’ नेपालमा कोरोना देखिए यता विदेशी पयर्टक नआउँदा पर्यटन क्षेत्र सुस्ताएको थियो ।