काठमाडौँ । नेपाली राष्ट्रिय क्रिकेट टोली अन्तर्राष्ट्रिय क्रिकेट परिषद (आईसीसी)ले सार्वजनिक गरेको वरियतामा सुधार भएको छ । नेपाली टोली टी २० अन्तर्राष्ट्रिय वरियता नेपाल एसोसियटको शीर्ष स्थान पुगेको हो ।

नयाँ वरियताका अनुसार नेपाल १२ औँ स्थानमा पुगेको छ । नेपालभन्दा टेष्ट राष्ट्र आयरल्याण्ड पछि परेको छ । नेपाल एसोसियटको शीर्ष वरियतामा दोस्रोपटक पुगेको हो ।

नेपाल दुई महिनाअघि ओमानमा भएको टी–ट्वान्टी विश्वकप छनोटमा उत्कृष्ट प्रदर्शन गरेको थियो । यस्तै, नेपालले घरेलु मैदानमा त्रिकोणात्मक टी–२० सिरिजमा अपराजित रहँदै उपाधि उचालेको थियो ।

टी–२० अन्तर्राष्ट्रियको वरियतामा भारत शीर्ष स्थानमा छ । यस्तै, इंग्ल्याण्ड दोस्रो, पाकिस्तान तेस्रो छ । आर्थिक संकट खेपिरहेको देश श्रीलंका १० औँ स्थानमा रहेको छ ।