काठमाडौँ । नेपाल राष्ट्र बैंकबाट भुक्तानी प्रणाली सञ्चालनको अनुमति प्राप्त स्मार्टच्वाइस टेक्नोलोजिज लिमिटेड (एससीटी) र स्माटकार्ड नेपालबीच स्मार्ट क्यूआरमार्फत भुक्तानी सेवा सञ्चालन गर्न सम्झौता भएको छ ।

राजधानी काठमाडौँमा आयोजित एक कार्यक्रमबीच स्मार्टच्वाईसका तर्फबाट प्रमुख कार्यकारी अधिकृत नारायणप्रकाश भुजु र स्माटकार्ड नेपालका तर्फबाट प्रमुख कार्यकारी अधिकृत मनोज मेहताले स्मार्ट क्यूआर सेवा सञ्चालनसम्बन्धि पत्रमा हस्ताक्षर गरेका हुन् ।

यस सम्झौतापश्चात स्माटकार्ड नेपाल प्रयोगकर्ताले स्मार्ट क्यूआर मर्चेन्टहरूलाई भुक्तानी गर्न सक्छन् भने माई पेमार्फत विभिन्न व्यापार व्यवसायमा आबद्ध भई सुविधा लिन सक्ने छन् ।

इएमभी स्ट्याण्डर्डमा जारी गरी फाइनान्सियल स्वीचमाफर्त कारोबारको भुक्तानी तथा फस्र्योट गर्ने भएकाले स्मार्ट क्यूआरमार्फत भुक्तानी लिन तथा दिन सहज र सुरक्षित रहन्छ ।