काठमाडौँ । नेपाल सरकारले अमेरिकाले दिने ८० अर्बको अनुदान लिने निर्णय गरेको छ । ओकरिकी सरकारको संयुक्त राज्य अमेरिकाको विकासका लागि सहयोग निकाय (यूएसएआईडी)ले दिने करिब ८० अर्बको अनुदान दिने भएको हो ।

सरकारले अमेरिकी सरकारबाट विभिन्न विकास कार्यक्रमका लागि प्राप्त हुने ७९ अर्ब ७१ करोड वैदेशिक अनुदान स्वीकार गर्ने निर्णय गरेको सरकारका प्रवक्तासमेत रहेको सञ्चार तथा प्रविधिमन्त्री ज्ञानेन्द्रबहादुर कार्कीले जानकारी दिए ।

३० चैत २०७८मा मन्त्रिपरिषद बैठकको निर्णय सार्वजनिक गर्दै मन्त्री कार्कीले ६ सय ५९ मिलियन डलर बराबरको अनुदान सहायता स्वीकार गर्ने निर्णय भएको बताए ।

यस्तै, विश्व बैंकअन्तर्गतको अन्तर्राष्ट्रिय विकास संस्थामार्फत प्राप्त हुने १८ अर्ब रुपैयाँ पनि स्वीकार गर्ने निर्णय सरकारले गरेको छ ।