काठमाडौँ । आइएमई ग्रुपद्वारा सञ्चालित आइएमई डिजिटल सोलुसन लिमिटेडद्वारा प्रवद्र्घित ‘आइएमई पे’ले हवाई उडान टिकटको नयाँ योजना सार्वजनिक गरेको छ ।

सेवाग्राहीले आइएमई पे एपमार्फत हवाई उडान टिकट काट्दा सर्वाधिक क्यास ब्याकका साथै अतिरिक्त तीन सय रुपैयाँ छुट प्राप्त गर्ने प्रबन्ध मिलाइएको छ । यात्राका लागि सबैभन्दा सहज माध्यम हवाई उडान भएकाले, आइएमई पेले यात्रुलाई हवाइ उडानमार्फत यात्रा गर्न प्रोत्साहन यस्ता योजना प्रस्तुत गर्दै आएको छ ।

नयाँ योजनाअनुसार हवाई उडान टिकटमा ५० प्रतिशतसम्मको छुटदेखि लिएर नेपालको कैयौँ रमणीय गन्तव्यको फ्री हवाई टिकट प्रदान गर्ने योजना आईएमई पेले ल्याउने गरको छ ।

योजनामा कम्पनीले निश्चित सेवा र शर्तहरू निर्धारण गरेको छ । पहिलोपटक आईएमई पे एप प्रयोग गर्ने सेवाग्राही वा पहिलोपटक आईएमई पे एपबाट हवाई उडान टिकट काट्ने सेवाग्राहीले मात्र यो अफरमार्फत छुट पाउने छन् । फर्स्ट टाइम युजर्सले आईएमई पे एपको पूर्व उल्लेखित क्यासब्याकका अतिरिक्त छुट पाउने छन् ।

अरु प्रयोगकर्ताले नियमित सर्वाधिक क्यासब्याकमा आइएमई पे एपमार्फत हवाई उडान टिकट बुक गर्न सक्ने छन् ।