काठमाडौँ । लुम्बिनी प्रदेश रुपन्देहीका तत्कालीन प्रदेश सचिव बैकुण्ठ अधिकारीसहित चार जनाविरुद्ध भ्रष्टाचारको अभियोगमा मुद्दा दायर भएको छ ।

रूपन्देहीको कृषि यान्त्रिकीकरण कार्यक्रमअन्तर्गत आर्थिक वर्ष २०७५/०७६ मा किसानहरूलाई कृषि यन्त्र आपूर्ति गर्ने भन्दै उनीहरूले आर्थिक अनियमिता गरेको अख्तियार दुरुपयोग अनुसन्धान आयोगले जनाएको छ । अख्तियारले लुम्बिनी प्रदेश बुटवलले रुपन्देहीका तत्कालीन प्रदेश सचिव अधिकारी, महाशाखा प्रमुख श्रीधर ज्ञवाली र आधुनिक कृषि किसान संसार संस्थाका प्रबन्ध निर्देशकविरुद्ध मुद्दा दायर गरेको हो ।

उनीहरूविररुद्ध ४३ लाख ३७ हजार ५०० रुपैयाँ बिगो माग दाबी गरिएको छ । यस्तै, तीन महिनादेखि तीन वर्षसम्म कैद भुक्तानी सजाय माग गरिएको आयोगका प्रवक्ता श्याम प्रसाद भण्डारीले जानकारी दिए ।