काठमाडौँ । अभिनेता पल शाहमाथि बलात्कारको आरोपमा जाहेरी दिएकी नाबालिक गायिकाका बाबुले बयान फेरेका छन् । उनले जिल्ला अदालत तनहुँमा बकपत्र गर्ने क्रममा बयान फेरेका हुन् ।

उनले शुरुमा आफूले जाहेरी दिएको तर, पछि बुझ्दै जाँदा त्यो कुरा यथार्थ नभएको भन्दै बयान फेरेका हुन् ।

बालिकाका बाबुको जाहेरीका आधारमा प्रहरीले अभिनेता पल शाहलाई हिरासतमा राखेर बलात्कारको मुद्दामा अनुसन्धान अघि बढाएको थियो । उक्त मुद्दामा अदालतको आदेशसँगै शाह हाल पुर्पक्षका लागि थुनामा छन् ।

पीडित बालिकाका बाबुले पहिले नै बयान फेर्ने संकेत दिएका थिए । दुई दिनअघि पीडित बालिकाले पनि बकपत्रका क्रममा बयान फेरेका थिए ।

उनले आफूमाथि बलात्कार नभएको बताउँदै कलाकार शाह र आफू मिल्ने साथी भएको बताएकी थिइन् ।