काठमाडौँ । बालुवाटारमा जारी सत्ता गठबन्धनको बैठक राति १० बजे पुन बस्ने भएको छ । आज दिउँसो ३ बजेदेखि शुरु भएको बैठक पुनः बस्ने गरी स्थगित भएको हो ।

बैठकमा महानगर र उपमहानगरको भागबण्डाबारे सैद्धान्तिक सहमति नजिक पुगेको सरकारका प्रवक्ता तथा मन्त्री ज्ञानेन्द्रबहादुर कार्कीले जानकारी दिए । यद्यपि, औपचारिक सहमति भने हुन बाँकी रहेको उनले बताए ।

सहमतिअनुसार अन्य दलले पाएका महानगरमा कांग्रेसले उपप्रमुख पाउने र कांग्रेसले पाएका महानगरमा अन्य दलले उपप्रमुख पाउने गरी सहमति नजिक पुगेको एक नेताले बताए ।

सहमतिमा काठमाडौँ, ललितपुर र विराटनगर महानगरको प्रमुख कांग्रेसले पाउने भएको छ । यस्तै, माओवादी केन्द्रले भरतपुर, एकीकृत समाजवादी पार्टीले पोखरा र जनता समाजवादी पार्टीले वीरगञ्ज महानगर पाउने गरी दलहरू सहमति नजिक पुगेका बताइएको छ ।