काठमाडौँ । सत्ता गठबन्धन दल नेकपा एकीकृत समाजवादीले पोखरा महानगरपालिकामा मेयरको उम्मेदवार टुंगो लगाउने भएको छ । नेकपा एसले आफूले पाएको एक महानगर र एक उपमहानगरको उम्मेदवार टुंगो लगाउन लागेको हो ।

सत्ता गठबन्धनको भागबण्डमा नेकपा एसले ६ महानगरमध्ये पोखरा र ११ उपमहानगरमध्ये हेटौँडाको प्रमुख पद पाएको थियो । यसका लागि उम्मेदवारको टुंगो लागिसकेको नेकपा एसले जनाएको छ ।

पोखरा महानगरको मेयरमा धनराज आचार्य र हेटौँडाको प्रमुखमा मीना लामालाई उम्मेदवार बनाउने तयारी गरेको नेकपा एसले जनाएको छ ।

पोखरामा नेकपा एसले मेयरको उम्मेदवार टुंगो लगाउने तयारी गरिरहँदा नेपाली कांग्रेस पोखराले विरोध प्रदर्शन गरेको छ । उनले पोखराको मेयर आफूले पाउनु पर्ने माग राख्दै आएको छ ।