हेटौँडा । नेपाली कांग्रेस बागमती प्रदेश कमिटीले बागी उम्मेदवारलाई उम्मेदारी फिर्ता लिन अपिल गरेको छ । बागमती प्रदेश सभापति ईन्द्रबहादुर बानियाँले विज्ञप्ति जारी गर्दै गठबन्धनविरूद्ध स्वतन्त्र उम्मेदवारी दिएको भए फिर्ता गर्न आग्रह गरेका हुन् ।

यसैबीच, हेटौँडा उपमहानगर २ मा नेपाली कांग्रेसका नेता सुदीप राजबाहकले स्वतन्त्र उम्मेदवारी फिर्ता नलिने बताएका छन् ।०७४ सालको निर्वाचनमा २ नम्बर वडामा कांग्रेसबाट जित्ने राजबाहक एक्ला जनप्रतिनिधि हुन् ।

यसपटक अध्यक्षका लागि दाबी गरे पनि पार्टीले टिकट नदिएपछि उनले बागी उम्मेदवारी दिएका थिए । ‘म कुनै पनि हालतमा उम्मेदवारी फिर्ता लिन्नँ,’ राजबाहकले भने, ‘मेरो पक्षमा युवाहरू छन्, तर पार्टीले मेरो कुरा सुनेन, म जितेर देखाइदिन्छु ।’