धादिङ । नेकपा एमाले र राष्ट्रिय प्रजातन्त्र पार्टी (राप्रपा) नेपाल धादिङले विज्ञप्ति जारी गर्दै चुनावी तालमेल गर्ने जानकारी दिएको छ ।

एमालेका जिल्ला सचिव अर्जुन कुमार श्रेष्ठ ‘गोरखाली’को हस्ताक्षर भएको उक्त विज्ञप्तिमा भनिएको छ, ‘धादिङ जिल्लाको १३ वटै स्थानीय तहमा तालमेल गरिएको छ, तालमेललाई कार्यन्वयन गर्न गराउन निर्देशन गरिन्छ ।’

दुई पार्टीको चुनावी तालमेलसँगै धादिङमा प्रतिस्पर्धा रोचक हुने भएको छ । धादिङमा राप्रपा पनि बलियो अवस्थामा रहेको छ ।