काठमाडौं । नेपाल प्रहरी र सशस्त्र प्रहरीका नवनियुक्त महानिरीक्षक (आईजीपी)ले सोमबार (भोलि) बिहान फुली लगाउने भएका छन् ।

सोमबार बिहान ८:४५ बजे गृह मन्त्रालयमा आयोजित एक कार्यक्रमबीच नेपाल प्रहरीका धिरज प्रताप सिंह र सशस्त्रका राजु अर्याललाई फुली लगाउने गृहमन्त्रालय स्रोतले जनाएको छ ।

उनीहरू दुवै जनालाई आइतबार बसेको मन्त्रिपरिषद्को बैठकले महानिरीक्षकमा बढुवा गरेको हो । नियुक्त भएका दुवै जनालाई गृहसचिवले फुली लगाउने छ ।

प्रहरीका महानिरीक्षकको नियुक्तिमा वरियता मिचेको भन्दै आईजीपीका प्रत्यासी विश्वराज पोखरेल र शहकुल थापाले सरकारको निर्णयविरुद्ध सर्वोच्चमा जाने तयारी गरेपछि गृहमन्त्रालयले अदालत खोल्नु पूर्व नै उनीहरूलाई फुली लगाउने कार्यक्रम राखेको हो ।