काठमाडौं । स्थानीय तहको निर्वाचनको क्रममा ढोरपाटन नगरपालिकामा मतदानपछि आफुहरुलाई सत्तारुढ गठबन्धनका दलका कार्यकर्ताले आक्रमण गरेको नेकपा एमालेले जनाएको छ ।

मतदान सकिएर मतपेटिका मतगणनास्थलमा पुर्‍याए लगत्तै एमालेबाट ढोरपाटनमा मेयरका उम्मेदवार देबकुमार नेपाली माथी गठबन्धनका केही कार्यकर्ताले आक्रमणको प्रयास गरेको तर कार्यकर्ताले उनलाइ जाेगाएका थिए ।

लगत्तै गठबन्धनका कार्यकर्ताहरुले एमालेका कार्यकर्ता भिम बहादुर बिकमाथि आक्रमण गरेका थिए । घाइते विकलाई होटल दरबारमा ल्याएर उपचारका लागि अस्पताल लैजान खोज्दा गठबन्धनका कार्यकर्ताहरुले होटेल घेरेर थप एमाले कार्यकर्ताहरुमाथि आक्रमण गरेको एमालेको आरोप छ ।

आक्रमण पश्चात नजिकै रहेको प्रहरीलाई खबर गर्दा समेत प्रहरी नआई एक घण्टापछि मात्रै घटनास्थलमा आइपुगको एमालेले जनाएको छ । आक्रमणबाट दरबार होटलमा समेत ठुलो क्षति पुगेको छ ।

गठबन्धनका कार्यकताले मेयरका उम्मेदवारको घरमा समेत तोडफोड गरेको मेयरका उम्मेदवार नेपालीका छोरा सन्तोष नेपालीले जानकरी दिए ।

प्रसो क्षेत्रको सुरक्षा कमाण्ड सम्हालेका प्रहरी निरीक्षक राजेशकुमार शर्मा अधिकारी भने घटना भएको एक दिन बित्दा समेत नजिकैको घटनास्थल निरीक्षणको लागि आएका छैनन् ।