सुनसरी । धरान उपमहानगरमा ६२ हजार मतमध्ये हालसम्म ४० हजार ७९७ मतगणना भइसकेको छ । जसमा अहिले पनि लौरो चुनाव चिह्न दिएर स्वतन्त्र उम्मेदवार बनेका हर्क साङपाङ अग्र स्थानमा छन् ।

उनले १२ हजार ५३४ मत ल्याएका छन् । उनलाई पछ्याइरहेका पाँच दलीय गठबन्धनका उम्मेदवार किशोर राईले ११ हजार ८१ मत पाएका छन् ।

त्यस्तै ,एमालेकी मञ्जु भण्डारीको ९ हजार ११ मत रहेको छ । गठबन्धनभन्दा साङपाङ एक हजार ४५३ मतले अगाडि छन् । त्यस्तै, नेकपा एमालेभन्दा स्वतन्त्र उम्मेदवार तीन हजार ५२४ मतले अगाडि छन् ।

हालसम्म वडा नम्बर १, २, ३, ४, ५, ६, ७, ८, ९, १०, १२, १४, १८ र १९ मत परिणाम घोषणा भइसकेको छ । ११, १३ र १५ वडाको मतगणना भइरहेको छ ।

त्यस्तै, १६ र १७ नम्बर वडाको मत गणना हुन बाँकी छ । २० नम्बर वडाको भने मत गणनामा विवादपछि मतगणना नतिजा घोषणा गर्न बाँकी रहेको छ ।