काठमाडौँ । स्थानीय तह सदस्य निर्वाचनअन्तर्गत देशकै सबैभन्दा ठूलो पोखरा महानगरमा जारी मत गणनामा सत्ता गठबन्धनबाट नेकपा एकीकृत समाजवादीका प्रमुखका उम्मेदवार धनराज आचार्यले अग्रता कायमै राखेका छन् ।

मुख्य निर्वाचन अधिकृतको कार्यालयबाट आज साँझ ७ः३० बजे ७२ हजार ९१८ मत गणनाको घोषित परिणामअनुसार प्रमुखका उम्मेदवार आचार्य तीन हजार ४४२ मतान्तरले अघि रहेका छन् । उनले २९ हजार ८०७ मत प्राप्त गर्दा उनका प्रत्याशी कृष्णबहादुर थापाले २६ हजार ३६५ मतसहित पछ्याइरहेका छन् ।

यसैगरी उपप्रमुखमा गठबन्धनबाट कांग्रेसका उम्मेदवार कोपिला रानाभाट अघि रहेकी छन् । रानाभाटले ३० हजार २६० मत प्राप्त गर्दा नेकपा एमालेका मञ्जुदेवी गुरुङको ३० हजार १७६ मत ल्याएकी छन् ।