चितवन । जिल्लाको भरतपुर महानगरमा हालसम्म ९० हजार ३०८ मत गणना सम्पन्न भएको छ । पछिल्लो मत गणनाअनुसार नेकपा माओवादी केन्द्रकी उम्मेदवार रेनु दाहालले ३५ हजार ४६० मत पाएकी छन् ।

दाहालले एमालेका उम्मेदवार विजय सुवेदीलाई ७ हजार ५६५ मतले पछाडि छाडेकी छन् । सुवेदीले २७ हजार ८९५ मत पाएका छन् । यस्तै, स्वतन्त्र उम्मेदवार जगन्नाथ पौडेलले ११ हजार ८९७ मत पाए ।

यस्तै, उपमेयरमा नेपाली कांग्रेसका चित्रशेन अधिकारीले ३७ हजार ६२४ मत पाएका छन् । उनलाई राप्रपाकी हिमला गुरूङले २२ हजार मत ल्याएर पछ्याइरहेकी छन् ।