काठमाडौं । आइएमई पे र सेञ्चुरी कमर्सिअल बैंकबीच पार्ट्नर बैंक सम्झौता भएको छ । राजधानी काठमाडौंमा आयोजित एक कार्यक्रमका बीच दुई वित्तीय संस्थाबीच सम्झौता पत्रमा हस्ताक्षर भएको हो ।

सम्झौता पत्रमा आइएमई पेका तर्फबाट कार्यवाहक प्रमुख कार्यकारी अधिकृत आमोद भट्टराई र सेञ्चुरी बैंकका तर्फबाट प्रधान व्यापार विकास अधिकारी शंकर केसीले हस्ताक्षर गरेका थिए । सम्झौताअनुसार डिजिटल सहजताका निम्ति आइएमई पे मोबाइल वालेट एपमा सेञ्चुरी बैंकको खाता लिंक गरी बैंकको वित्तीय सुविधा लिन सकिने छ ।

हाल नेपालको २३ वटा बैंक तथा वित्तीय संस्थासँग सो सम्झौता गरेको आइएमई पेले यस लिंकअपको विभिन्न फाइदा भएको जनाएका छ । आइएमई पेमा बैंक लिंक गरेपश्चात उपभोक्ताले आफ्नो सुविधाअनुसार सेञ्चुरी बैंकको खातामा आइएमई पे एपबाट निःशुल्क पैसा पठाउन वा सक्ने छन् ।