चितवन । जिल्लाको भरतपुर महानगरको मेयरमा सत्ता गठबन्धनबाट नेकपा माओवादीकी उम्मेदवार रेनु दाहालले जित नजिक पुगेकी छन् ।

निर्वाचन अधिकृतको कार्यालय चितवनले सार्वजनिक गरेको पछिल्लो परिणामअनुसार रेनुले ११ हजार बढी मत पाएकी छन् । उनले एमालेका उम्मेदवार विजय सुवेदीभन्दा ११ हजार १० मतले पछि पारेकी छन् ।

रेनुले ४६ हजार २५५ मत पाउँदा सुवेदीले ३५ हजार २४५ मत पाएका छन् । यस्तै स्वतन्त्र उम्मेदवार जगन्नाथ पौडेलले १४ हजार २८ मत पाएका छन् ।

उपप्रमुखमा कांग्रेसका चित्रसेन अधिकारी ४७ हजार २२८ मत पाएका छन् । यस्तै, राप्रपाकी हिमला गुरुङले २७ हजार ७१ मत पाएकी छन् ।