काठमाडौं । काठमाडौं महानगरमा अझै ५० हजार मत गणना गर्न बाँकी रहेको छ । निर्वाचन आयोगका अनुसार अब ५० हजार १८० मत गणना गर्न बाँकी भएको हो ।

सम्पन्न भएको मत गणनामध्ये स्वतन्त्र उम्मेदवार बालेन साहले ४७ हजार ७५२ मत पाएका छन् । उनी सर्वाधिक मतसहित अग्र स्थानमा रहेका छन् । उनी सुरुवाती चरणदेखि नै अग्र स्थानमा रहँदै आएका छन् ।

यस्तै, सत्ता गठबन्धनका लागि नेपाली कांग्रेसकी उम्मेदवार सिर्जना सिंहले २८ हजार ८१५ मत पाएकी छन् । उनी दोस्रो स्थानमा रहेकी छन् ।

तेस्रो स्थानमा नेकपा एमालेका उम्मेदवार केशव स्थापित रहेका छन् । उनले २७ हजार ९७७ मत पाएका छन् ।