चितवन । भरतपुर महानगरमा अब चार वटा वडाको मात्रै मत गन्न बाँकी रहेको छ । महानगरका २९ वटा वडामध्ये २५ नम्बर वडासम्मको मत परिणाम आइसकेको छ भने २६ र २७ को गणना भइरहेको छ ।

भरतपुरमा एक लाख २७ हजार ८३९ मत खसेकोमा हालसम्म एक लाख १६ हजार ३६६ मत गणना सकिएको छ । अब साढे ११ हजार मत मात्रै गन्न बाँकी रहेको छ । गणना सकिएका वडामा महानगर प्रमुख र उपप्रमुखमा गठबन्धनका उम्मेदवार अग्र स्थानमा रहेका छन् ।

महानगर प्रमुखमा नेकपा माओवादी केन्द्रकी रेनु दाहालले नेकपा एमालेका विजय सुवेदीसँग ११ हजार ३८९ मत अन्तरले अग्रता कायम राखेकी छन् । दाहालले ४६ हजार ९३५ मत ल्याउँदा सुवेदीले ३५ हजार ५४६ मत प्राप्त गरेकी छन् ।

स्वतन्त्र उम्मेदवार जगन्नाथ पौडेलले १४ हजार २४१ मत प्राप्त गरेका छन् ।

उपप्रमुखमा नेपाली कांग्रेसका चित्रसेन अधिकारीले ४७ हजार ८५८ मत प्राप्त गर्दा राप्रपाकी हमिला गुरुङले २७ हजार ८९९ मत प्राप्त गरेकी छन् । मंगलबार बिहानसम्म मत गणनाको नतिजा सार्वजनिक हुने भएको छ ।