काठमाडौँ । सरकारले आगामी वर्ष विद्युतको महसुल घटाउने भएको छ । पेट्रोलियम पदार्थ ग्यासको खपत कम गर्न विद्युत महसुल घटाउने भएको हो ।

यस्तै, सरकारले विद्युतीय सामाग्रको खपत बढाउने भएको छ । यसैगरी ठाउँठाउँमा विद्युतीय सवारी साधानलाई ध्यान दिँदै चार्जिङ स्टेसन राख्ने भएको छ ।

प्रतिनिधिसभा र राष्ट्रिय सभाको संयुक्त बैठकलाई सम्बोधन गर्दै राष्ट्रपति विद्यादेवि भण्डारीले सरकारले प्रस्ताव गरेको नीति तथा कार्यक्रम प्रस्तुत गर्दै विद्युतको महसुल घट्ने बताएकी हुन् ।

यस्तै, थप २५ हजार घरमा विद्युत सेवा विस्तार गर्ने लक्ष्य राखेको छ । आगामी वर्ष नै सरकारले ७१५ मेगावट विद्युत् राष्ट्रिय प्रसारण लाइन जोड्ने नीति लिएको छ ।