काठमाडौँ । नेपालमा अहिले कोरोना भाइरस (कोभिड–१९) को संक्रमण दर घट्दै गएको छ । पछिल्लो २४ घण्टाभित्र जम्मा २१ जनामा मात्रै कोरोना पुष्टि भएको छ ।

थप भएका कोरोना संक्रमणसहित नेपालमा अहिले संक्रिय संक्रमितको संख्या १२९ पुगेको छ । यस्तै, आज थप १३ जना निको भएर घर फर्किएका छन् ।

योसहित कोरोना संक्रमणबाट निको हुनेको संख्या नौ लाख ७० हजार २४ रहेको छ । यो कूल संक्रमतिको निको हुने दरमध्ये ९८.८ प्रतिशत हो ।

स्वस्थ्य तथा जनसंख्या मन्त्रालयका अनुसार अहिलेसम्म कोरोना संक्रमणबाट ११ हजार ९५२ जनाको मृत्यु भएको छ ।

यस्तै, अहिलेसम्म कोरोना भाइरसविरुद्ध चार करोड २७ लाख डोज खोप लगाइएको मन्त्रालयले जनाएको छ ।