काठमाडौँ । ओखलढुंगामा १४ वर्षीया बालिका बलात्कृत भएकी छन् । बालिकालाई जबरजस्ती करणी गरेको अभियोगमा मोलुङ गाउँपालिका ५ बस्ने ४४ वर्षीय तारा नाथ पोखरेल पक्राउ परेका छन् ।

पोखरेललाई प्रहरीले शुक्रबार साँझ पक्राउ गरेको जनाएको छ । उनले ती बालिकालाई आफ्नै घरमा बोलाई बिहीबार दिउँसो बलात्कार गरेको खबर पाएपछि इलाका प्रहरी कार्यालय बरुणेश्वरबाट खटिएको प्रहरीले उनलाई पक्राउ गरेको हो ।

उनलाई पक्राउ गरेर घटनाबारे अनुसन्धान थालिएको प्रहरीले जनाएको छ ।