काठमाडौँ । प्रधानमन्त्री शेरबहादुर देउवाले मन्त्रिपरिषद्को बैठक बोलाएका छन् । आज दिउँसो २ बजे प्रधानमन्त्री निवास बालुवाटारमा बस्ने गरी बैठक आह्वान गरेका हुन् ।

आजको बैठकमा प्रतिनिधिसभाबाट बजेट पास गर्नेबारे निर्णय हुने भएको छ । यस्तै, पाँच जना नेपाल प्रहरीका डीआईजीहरू एआईजीमा बढुवा भएकोबारे पनि निर्णय गर्ने भएको छ ।

गृह मन्त्रालयको बढुवा समितिको सचिवालयले गत ९ गते पाँच जना डीआईजीहरू उत्तमराज सुवेदी, अरुणकुमार बिसी, दिवेश लोहनी, मुकुन्द राज आचार्य र पूजा सिंहको बढुवा गर्न सिफारिस गरेको थियो ।