काठमाडौं। मेलम्ची खानेपानी चक्रपथ बाहिर वितरणका लागि पाइपलाइ विस्तार गर्न सरकारले १ अर्ब ९२ करोड रुपैयाँ विनियोजन गरेको छ ।

अर्थमन्त्री जनार्दन शर्माले आर्थिक वर्ष २०७९/०८० को बजेट प्रस्तुत गर्दै दोस्रो चरणमा चक्रपथ बाहिर समेत मेलम्चीको पानी वितरण गर्ने योजना रहेको बताउँदै उक्त बजेट छुटााइएको बताएका हुन् ।

अहिले मेलम्ची खानेपानी काठमाडौंमा ‍ वितरण भइरहेको छ।

हाल दैनिक १७ करोड लिटर पानी वितण भइरहेको छ। बाढीले क्षति पुर्याएको र अझै जोखिम छ। सोही कारण मेलम्ची जलाधारको भौगोलिक अध्ययनको आधारमा भरपर्दो व्यवस्था मिलाइने उनको भनाई छ।

याङग्री र लार्के खोलाको पानी ल्याउने बजेटमा उल्लेख छ। त्यसै गरी मेलम्ची खानेपानी समिति र ग्रामीण खानेपानी तथा सरसफाइ कोष विकास समित खारेज भएको छ। ती निकायबाट हुदै आएको काम खानेपानी तथा ढल निकास विभागले गर्नेछ।

काठमाडौंको विकल्पका रुपमा सिस्नेरी र ठोस्ने खोलाको सम्भाव्यता अध्ययन गरिने शर्माले बताए। उनका अनुसार अन्य वैकल्पिक नगरकोट, दक्षिणकाली, रामकोट र गोदावरी गरी काठमाडौंको चार दिशामा पानी पोखरीसहितको जलाधार क्षेत्र निर्माण गरिनेछ।