काठमाडौँ । आफूमाथि दुव्र्यवहार भएको भन्दै आएकी अभिनेत्री मिरुना मगर र आरोपी फुर्बा तामाङबीच सहमति भएको छ । ब्याड टच प्रकरणमा आएकी मगर र तामाङले आआफ्नो गल्ती स्वीकार गर्दै सहमतिपत्रमा हस्ताक्षर गरेका हुन् ।

चलचित्र ‘कबड्डी ४’को टिमको रोहबरमा दुई जनाले सहमति पत्रमा हस्ताक्षर गरेका हुन् । सहमति पत्रमा फुर्बाले आफ्नो गल्ती स्वीकार गरी नायिकासँग माफी मागेका छन् । यस्तै, नायिकाले भाइ सम्झेर माफी दिएको जनाइएको छ ।

मिरुनाले आफूबाट आकस्मिक प्रतिक्रिया जनाउने क्रममा भएको घटनाले सिंगो बौद्ध धर्माबलम्बी, भिक्षु, लामा समुदाय तथा सम्प्रदायप्रति पर्न गएको असरप्रति क्षमायाचना मागेकी छन् ।