ललितपुर । स्थानीय तहको चुनाव सकेपछि राजनीतिक दलहरु जिल्ला समन्वय समिति गठनको तयारीमा जुटेका छन् । ललितपुर जिल्ला समन्वय समितिमा एकल वर्चश्व रहेको कांग्रेससाग माओवादी केन्द्रको तालमेल भएको छ । कांग्रेस-माओवादी तालमेल भएपछि जिसस निर्वरोध निर्वाचित भएको छ । एमालेले उम्मेदवारी नै दर्ता गराएन ।

बुधबार जिससाका लागि उम्मेदवारी दर्ताको कार्यतालिका राखिएको थियो । कांग्रेस-माओवादी तालमेमेल भएपछि एमालेले उम्मेदवारी नै दर्ता गराएन । कांग्रेसका ऋषिदेव फुयाँल त्यसपछि जिससको प्रमुखमा निर्वरोध निर्वाचित भएका छन्। उपप्रमुखमा भने माओवादीका रामलाल थिङ चयन भएका छन् । उनी पनि निर्विरोध निर्वाचित भएका हुन् ।

बुधबार भएको उम्मेदवारी दर्तामा अन्य पार्टीबाट उम्मेदवारी नपरेपछि ९ सदस्यीय समिति निर्विरोध चयन भएको हो।

ललितपुरमा ६ पालिका छ। जसको मत १२ हुन्छ । स्थानीय निर्वाचनमा कांग्रेस–माओवादी गठबन्धन बनेको थियो।

जिसस खुल्ला सदस्यमा कांग्रेसकै दिनेश घोरासाईने, हरिहर कार्की, अल्प अल्पसंख्यकबाट सुबेर बहादुर पहरी निर्वाचित भए।

यस्तै खुला सदस्यमा माओवादीका साधुराम श्रेष्ठ र महिला सदस्यमा माओवादीकै शोभा महर्जन निर्वाचित भए। महिला सदस्यमा कांग्रेसकी गीता खड्का र शोभा कार्की निर्वाचित भएका छन्।