काठमाडौँ । एक करोडभन्दा बढी ठगी मुद्दाका फरार प्रतिवादी ललितपुर गोदावरी नगरपालिका ४ बस्ने ४८ वर्षीय जीवनकुमार केसी पक्राउ परेका छन् । उनलाई आज प्रहरीले पक्राउ गरेको हो ।

उपभोक्ता हित संरक्षण नेपालको जाहेरीले एक करोड १९ लाख ८४ हजार ठगीसम्बन्धी कसूरमा संलग्न रही फरार रहेका उनलाई काठमाडौँ उपत्यका अपराध अनुसन्धान कार्यालयबाट खटिएको प्रहरीलेले नयाँ बजारबाट पक्राउ गरेको हो ।

उनलाई फैसला कार्यान्वयनका लागि आजै काठमाडौँ जिल्ला अदालतमा पेश गरिएको कार्यालयले जनाएको छ ।