काठमाडौँ । प्रधानसेनापति प्रभुराम शर्मा र नेपालका लागि जापानी राजदूत किकुता युताकाबीच शिष्टाचार भेट भएको छ ।

नेपाली सेनाको मुख्यालय जंगी अड्डामा आज भएको भेटमा दुई पक्षीय आपसी हित तथा पारस्परिक सम्बन्धका विषयमा छलफल भएको सैनिक जनसम्पर्क तथा सूचना निर्देशनालयले जनाएको छ ।

यस्ता भेटघाटले दुई देशबीच रही आएको आपसी सम्बन्धलाई थप सुमधुर एवं प्रगाढ बनाउन मद्दत पुग्ने विश्वास नेपाली सेनाले लिएको छ ।