काठमाडौँ । बञ्चरेडाँडा संघर्ष समितिका संयोजक श्रीराम ढुंगाना, तपन उप्रेती र कृष्ण बजगाईं रिहा भएका छन् । प्रहरी कार्यालय ककनीले बुधबारदेखि नियन्त्रणमा लिएको उनीहरूलाई रिहा गरिएको हो ।

प्रहरी नियन्त्रणमा रहेका तीनै जनालाई बिहीबार बिहान १० बजे छाडेको जिल्ला प्रहरी कार्यालय नुवाकोटले जनाएको छ । आन्दोलनकारीहरूले प्रहरीमाथि हातपात र फोहोर बोकेका सवारी साधन तोडफोड गरेको भन्दै उनीहरूलाई नियन्त्रणमा लिइएको थियो ।

बञ्चरेडाँडाका स्थानीयले प्रधानमन्त्री शेरबहादुर देउवासँग वार्ता गर्ने बताएका छन् ।