काठमाडौँ । काठमाडौँ उपत्यकाको फोहोर व्यवस्थापनबारे आझ साँझ पनि बैठक बसेको छ । शहरी विकास मन्त्रालय सिंहदरबारमा बसेको बैठकमा फोहोरबाट प्रभावित सिसडोल र बञ्चरेडाँडाका स्थानीयबासीको मागलाई सम्बोधन गर्ने बारेमा केन्द्रीत भएको हो ।

शहरी विकास मन्त्री रामकुमारी झाक्रीको अध्यक्षतामा बसेको बैठक, शहरी विकास मन्त्रालयका सचिव रमेश प्रसाद सिंह, गृह मन्त्रालयका प्रवक्ता फनेद्रमणि पोखरेल, काठमाडौँ महानगरका मेयर बालेन्द्र शाह, ललितपुर महानगरका मेयर चिरिबाबु माहर्जनलगायतको उपस्थिति थियो ।

बैठकपश्चात् मन्त्री झाक्रीले फोहोरबाट प्रभावित बासिन्दाको मागहरू ईआईए रिपोर्टपछि सुरु गर्ने बताइन् । सोही रिपोर्टपछि जग्गा अधिग्रहण, बाटो निर्माण, १० शैय्याको अस्पताल बनाउने र उक्त मागहरूहरुलाई पूरा गर्न आवश्यक बजेटको श्रोतबारे सम्बन्धि सरोकारवालासँग छलफल गर्ने निर्णय भएको थियो ।

स्थानीयबासीको माग क्रमशस् पूरा गर्दै जाने सहमतिअनुसार आज साँझदेखि नै काठमाडौँ उपत्यकाको फोहोर सहज रुपमा ल्याण्डफिल साइडमा लैजाने व्यवस्था भएको छ । यसअघि स्थानीयबासीले आफ्नो माग राख्दै अवरोध गर्दै आएका थिए ।