काठमाडौँ । नेपाल स्टक एक्सचेञ्ज (नेप्से)मा आज एकै दिन ३६ अंकले गिरावट आएको छ ।

कारोबार सुरु भएदेखि घट्न सुरु भएको नेप्से परिसूचक अन्तिम समयसम्म आइपुग्दा ३६ अंकले घटेर १९ सय ९६ बिन्दुमा आइपुगेको हो । गिरावट भएसँगै आज नेप्से २ हजारभन्दा तल आइपुगेको हो ।

यस्तै, आज सेन्सेटिभ समूहमा ६ अंकको गिरावटसँगै ३८३ अंक पुगेको छ । कारोबार भएकोमा एक अर्ब १८ करोड ५५ लाख रुपैयाँ बराबरको ४१ लाख ४७ हजार कित्ता सेयर किनेबेच भएको छ ।

परिसूचक उच्च अंकले घटेको दिन कारोबार भएका सबै समूहमा गिरावट आएको छ । जसमा निर्जीवन बीमा समूहमा सबैभन्दा धेरै २४२ अंकको गिरावट आउँदा जीवन बीमा समूहमा १८६ अंकको गिरावट आएको छ ।

आज ९ वटा कम्पनीको मात्रै मूल्य बढेको छ । बाँकी सबै कम्पनीको सेयर मूल्य घटेको छ ।