काठमाडौँ । नारायणगढ–मुग्लिन सडक खण्डअन्तर्गत चितवनको इच्छाकामना गाउँपालिका ६ स्थित चार किलोमा पहिरो खस्दा तीन जना घाइते भएका छन् ।

शनिबार बेलुकी ५ः४० मा पहिरो पन्छाएर बाटो सुलाइएकोमा पुनः पहिरो खसेर तीन मोटरसाइकलमा क्षति पुग्नुका साथै तीन जना घाइते भएको प्रहरीले जनाएको छ ।

घाइतेलाई उपचारका लागि भरतपुर पठाइएको प्रहरीले जनाएको छ । पहिरो खसेसँगै पुनः सडक अवरुद्ध बनेको छ ।

नारायणगढ मुग्लिन सडक खण्डको इच्छाकामना गाउँपालिका ६ स्थित चार किलोमा बिहान साढे ११ बजे पहिरो खसेको थियो ।