सर्लाही । जिल्लाको धनकौन गाँउपालिका ५ स्थित छटीघाट पुलबाट गएराति कार खस्दा एक बालकको मृत्यु भएको छ । दुर्घटनामा ७ जना यात्रु घाइते भएका छन् ।

सर्लाहीको छतौनाबाट रौटहटको वृन्दावन हरैयातर्फ जाँदै गरेको भारतीय नम्बरको कार गएराति एक बजे पुलबाट अन्दाजी १५ फिट तल खसेको थियो ।

दुर्घटनामा रौतहटको बृन्दावन नगरपालिका ४ का शुभलाल यादवका ४ वर्षीय छोरा गम्भीर यादवको घटनास्थलमै मृत्यु भएको प्रहरीले जनाएको छ । घाइते भएका सबैलाई उपचारका लागि बरहथवास्थित एडभान्स संजिवनी अस्पताल पठाइएको छ ।

घाइतेमध्ये एक जनाको अवस्था गम्भीर रहेको छ । दुर्घटनापछि फरार भएका कार चालकको खोजी भइरहेको छ ।