कैलाली । जिल्लाको गोदावरीस्थित भीमदत्त राजमार्गमा एक कर्मचारीमाथि भारतीय नागरिकले कुटपिट गरेका छन् । डडेलधुरा जिल्लाको आलिताल गाउँपालिकाका कम्प्युटर अपरेटर लोकेन्द्रसिंह भण्डारीमाथि अक्रमण भएको हो ।

महेन्द्रनगरबाट लिफ्ट मागेर आएका ३ जना भारतीय नागरिकले गोदावरी ५ मा आइपुगेपछि कुटपिट गरेर गाडी लगेको भण्डारीले बताए । हात पछाडि बाँधेको अवस्थामा घाइते भएर सडक छेउमा लडिरहेका भण्डारीलाई गोदावरीकै नन्दराम देवकोटाले देखेपछि प्रहरीलाई खबर गरेका थिए ।