काठमाडौं । पुष्पतारा केडिया सेवा फाउण्डेशनद्धारा रामकुमार महावीर प्रसाद केडिया आँखा अस्पताल परवानीपुर ४, बीरगंजलाई SML ISUZU बस हस्तान्तरण गरेको छ । पुष्पतारा केडिया सेवा फाउण्डेशन बिशुद्ध सामाजिक सेवा गर्ने उदेश्यले ५ बर्ष अगाडि ताराचन्द केडिया तथा पुष्प केडियाको नामबाट स्थापना गरिएको संस्था हो । यस संस्थाले शिक्षा, स्वास्थ्य लगायतका क्षेत्रमा सहयोग र सेवा गर्दै आइरहेको छ ।

विशुद्ध समाजिक सेवा भावले महावीर प्रसाद वृजलाल केडिया सेवा ट्रष्टद्धारा स्थापित रामकुमार महावीर प्रसाद केडिया आँखा अस्पताल नारायणी अंचलकै जेठो आँखा अस्पताल ई.स. १९७५ सालमा स्थापना भएको थियो । यस अस्पतालले नेपालको मात्र होईन भारतीय आँखा रोगीहरुलाई पनि सेवा दिदै आएको अस्पताल प्रशासनले जनाएको छ ।

पुष्पतारा केडिया सेवा फाउण्डेशनद्धारा हस्तान्तरण गरिएको SML ISUZU बसद्धारा असहाय, गरीव तथा सेवाबाट बन्चित बिरामीहरुलाई यातायातको सहज सुविधा उपलब्ध हुने विश्वास लिएको जनाएको छ ।

फाउण्डेशनका संरक्षक मनोज केडियाले आँखा जस्तो संबेदनशील र संसार हेर्ने माध्यमलाई सहज उपचार गर्दै आइरहेको रामकुरमा महावीर प्रसाद केडिया आँखा अस्पताल बीरगंजलाई उपचारमा अझ गुणस्तर कायम गरी बढीभन्दा बढी आँखा बिरामीहरुको उपचार सहज र सरल रुपमा गराउन तथा सेवा सुविधाहरुको पहुच बिस्तार गरी हरेक बिरामीहरुलाई उपचार पश्चात खुशीको सास फेर्ने र बिश्व हेर्ने दृष्टि प्रदान गर्न सहयोग गरिएको बताउँछन् ।