काठमाडौँ । श्रीलंकाको राजधानी कोलम्बोको टेम्पल ट्रीमा मंगलबार झडप हुँदा कम्तीमा १० जना घाइते भएका छन् । उनीहरूलाई अस्पताल भर्ना गरिएको छ ।

घाइते हुने नौ पुरुष र एक महिलालाई उपचारका लागि भर्ना गरिएको छ । तीमध्ये ६ जनालाई कोलम्बो नेसनल अस्पताल मा भर्ना गरिएकोडेली मिररले स्रोतलाई उद्धृत गर्दै उल्लेख गरेको छ । दुई जना घाइते बने उपचारपछि डिस्चार्ज भइसकेका छन् ।

देशको बिग्रँदै गएको आर्थिक अवस्थाले तनाव बढाएको छ । पछिल्ला केही हप्तामा इन्धन पसलहरूमा सर्वसाधारण र प्रहरीबीच थुप्रै भिडन्त भएका समाचार सार्वजनिक भएका छन् ।

शनिबार हजारौँ मानिस विरोध प्रदर्शन गर्दै फोर्टस्थित राष्ट्रपति भवनमा प्रवेश गरेका थिए । यसअघि शनिबार सभामुख महिन्दा यापा आबेवर्देनाले पत्रकार सम्मेलनमा राष्ट्रपतिले जुलाई १३ मा आफ्नो पदबाट राजीनामा दिने घोषणा गरेका थिए ।

प्रधानमन्त्री रनिल विक्रमासिङ्घेले पनि विरोध प्रदर्शनका बीच आफ्नो पदबाट राजीनामा दिने घोषणा गरेका छन् । राष्ट्रपति र प्रधानमन्त्रीको निवास कब्जामा लिएका आन्दोलनकारीले आफूहरु नआएसम्म घर कब्जा गरिरहने स्पष्ट पारेका छन् ।

श्रीलंका सन् १९४८ मा स्वतन्त्र भएपछि सबैभन्दा खराब आर्थिक संकटबाट गुज्रिरहेको छ । तेल आपूर्ति अभावले विद्यालय र सरकारी कार्यालय अर्को सूचना नभएसम्म बन्द छन् ।

घरेलु कृषि उत्पादनमा कमी, विदेशी मुद्रा सञ्चितिको कमी र स्थानीय मुद्राको अवमूल्यनले अभाव बढाएको छ । विनिमय सञ्चिति र स्थानीय मुद्राको अवमूल्यनले यो अभाव बढाएको हो ।