काठमाडौँ । ग्लोबल टेक्नोलोजी लिडर शाओमीले नेपाली उपभोक्तालाई मनसुन अफर ल्याएको छ ।

कम्पनीले रेडमी नोट ११ सिरिजअन्तर्गत रेडमी नोट ११, रेडमी नोट ११ प्रो र रेडमी नोट ११ प्रो पाइभ जीको कुनै पनि भेरिएन्ट र शाओमी १२ सिरिजअन्तर्गत शाओमी १२ र शाओमी १२ एक्स ८ जीबी÷२५६ जीबी खरिद गर्ने उपभोक्तालाई लक्षित गरी मनसुन अफर सार्वजनिक गरेको हो ।

अफरअन्तर्गत उक्त मोडलका फोन किन्न चाहने उपभोक्ताले रेडमी इयरफोन र मी नेक्ब्यान्ड ब्लुटुथ प्रो को खरिदमा आकर्षक छुट पाउन सक्ने छन् । यस अफरअन्तर्गत शाओमीले रेडमी नोट ११, रेडमी नोट ११ प्रो र रेडमी नोट ११ प्रो पाइभ जीको कुनै पनि भेरिएन्ट खरिद गर्ने उपभोक्ताका लागि मात्र १९९ रुपैयाँमा रेडमी इयरफोन किन्न सक्ने व्यवस्था गरेको छ ।

त्यस्तै, ८ जीबी र २५६ जीबीको शाओमी १२ र शाओमी १२ एक्सको खरिदमा उपभोक्ताले मी नेकब्यान्ड ब्लुटुथ प्रो मात्र १४९९ रुपैयाँमा पाउन सक्ने छन् ।