काठमाडौँ । अर्थ मन्त्रालयको सीसीटीभी फुटेज रिकभर गर्ने भएको छ । संसदीय विशेष समितिले नेपाल प्रहरीअन्तर्गतको फरेन्सिक ल्याबमा पठाएर सीसीटीभीको फुटेज रिकभर गर्ने भएको हो ।

बजेट निर्माणका क्रममा अनधिकृत व्यक्ति प्रवेश गराई करको दर हेरफेर गरको आरोपमा छानबिन गर्न बनेको समितिले सीसीटीभी फुटेज रिकभर गर्ने भएको हो । गत जेठ १४ गते रातको मध्यान्ह १२ बजेदेखि १५ गतेको सीसीटीभी फुटेज उपलब्ध गराउन आग्रह गरेको थियो ।

अर्थ मन्त्रालयले पठाएको सीसीटीभीको हार्डडिक्समा असारको मात्र फुटेज भेटिएपछि रिकभर गर्ने तयारी गरेको हो ।

विज्ञहरुले डिलिट भएको सीसीटीभी फुटेज रिकभर हार्डडिक्सको अवस्थामा भर पर्ने भन्दै प्रहरीको फरेन्सिक ल्याबमा पठाउन सुझाव दिएका थिए ।