काठमाडौँ । कोरोना भाइरस (कोभिड–१९) उत्पत्ति भएको मानिएको चीनको वुहानमा पुनः लकडाउन सुरु भएको छ । वुहान उपनगरको जनसंख्या १० लाख छ ।

जियाङ्जिया जिल्लाका चार जनामा लक्षणविहीन कोभिड देखिएपछि तीन दिनसम्म उनीहरूलाई आफ्नो घर वा कम्पाउण्डमा बस्न आदेश दिइएको छ ।

चीनले ‘शून्य कोभिड’ रणनीति अनुसरण गर्दै आएको छ । जसमा सामूहिक परीक्षण, आइसोलेसन नियमको कडा पालना र स्थानीय तहमा लकडाउन समावेश छन् । कोभिडविरुद्ध कडाइले चीनमा अन्य देशको तुलनामा कम मानिसहरूको मृत्यु हुने गरेको छ ।

लगातारको प्रतिबन्धले मानिस मर्कामा परेका छन् । तसर्थ, धेरैले यसको विरोध गरेका छन् । एक करोड २० लाख जनसंख्या भएको वुहानमा नियमित परीक्षणका क्रममा दुई दिनअघि दुई जनामा लक्षणविहीन कोभिड देखिएको थियो ।

त्यस्तै, कन्ट्र्याक्ट ट्रेसिङबाट अन्य दुई जनामा संक्रमण भेटिएको पाइएको थियो । त्यस लगत्तै लकडाउन घोषणा गरिएको थियो ।