काठमाडौँ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले तत्काल पार्टी एकता नहुने बताएका छन् । नेकपा एमालेबाहेक कम्युनिष्ट पार्टीहरू मिलेर वाम एकता हुने चर्चा हुँदै गर्दा प्रचण्ड यस्तो बताएका हुन् ।

प्रचण्डले आगामी संघ र प्रदेशसभा निर्वाचनसम्म यही गठबन्धन अगाडि जाने बताए । ‘यही गठबन्धन अगाडि जान्छ,’ उनले भने, ‘यो छलफल केही नेताले उठाउनु भएको हो, तर त्यो बन्ने गरी छलफल चलेको छैन, त्यसकारण तत्काल समाजवादी केन्द्र बन्दैन ।’

पछिल्लो समय माओवादी केन्द्र, नेकपा एकीकृत समाजवादी र पूर्व एमाले नेता वामदेव गौतमसहितको समाजवादी केन्द्र बन्ने विषय उठ्दै आएको थियो ।