काठमाडौँ । रूसी विदेश मन्त्रालयले शनिबार ३२ जना न्युजिल्याण्डका अधिकारीलाई कालो सूचीमा राखेको छ ।

‘न्युजिल्याण्डले रुसी नागरिकमाथि प्रतिबन्ध बढाउँदै लगेपछि प्रतिक्रिया स्वरूप ३२ न्युजिल्याण्डका अधिकारीलाई राष्ट्रिय स्टप लिस्टमा थपेको,’ मन्त्रालयले एक विज्ञप्तिमार्फत जनाएको छ । नयाँ प्रतिबन्धित अधिकारीमा नगरपालिकाका प्रमुख, कानून प्रवर्तन एजेन्सीका अधिकारी र पत्रकार रहेको मन्त्रालयले जनाएको छ ।

विज्ञप्तिमा भनिएको छ, ‘ती व्यक्तिलाई रुस प्रवेशमा अनिश्चित कालका लागि निषेध गरिएको छ ।’ मन्त्रालयका अनुसार प्रतिबन्धको सूची बढ्दै जान सक्ने छ ।