काठमाडौँ । घुस लिँदै गर्दा संस्कृति पर्यटन तथा नागरिक उड्डयन मन्त्रालयका उपसचिव प्रमोद नेपाल रंगे हात पक्राउ परेका छन् । अख्तियार दुरुपयोग अनुसन्धान आयोगका अनुसार उनी ६ लाख रुपैयाँ घुससहित पक्राउ परेका हुन् ।

अख्तियारका प्रवक्ता श्यामप्रसाद भण्डारीका अनुसार उनलाई नक्सालको नागपोखरीस्थित एक होटलबाट पक्राउ गरिएको हो । पर्यटन व्यवसाय दर्ताका लागि घुस मागेको आरोपमा उनीविरुद्ध अख्तियारमा उजुरी परेको थियो ।

उजुरीपछि अख्तियारको टोलीले उनलाई घुससहित पक्राउ गरेको हो ।