काठमाडौं । सत्ता गठबन्धन दलले प्रतिनिधीसभा र प्रदेश सभा चुनावमा तालमेल गरेर जाने औपचारिक निर्णय गरेपछि त्यस अनुसारको सिट बाँडफााटको तयारीका लागि कार्यदल समेत गठन गरेका छन् । चुनावी सिट बाँडफाँटका लागि गठबन्धन दलले ११ सदस्यीय कार्यदल गठन गरेको हो ।

कार्यदलमा नेपाली कांग्रेसबाट तीनजना र अन्य दलबाट दुई-दुई जना सदस्य राखिएका छन् ।

कांग्रेसबाट महामन्त्री गगन थापा, कृष्ण सिटौला र ज्ञानेन्द्रबहादुर कार्की , माओवादी केन्द्रबाट वर्षमान पुन र जनार्दन शर्मा कार्यदलमा रहेका छन् ।

त्यस्तै, नेकपा एसबाट महासचिव बेदुराम भुसाल र प्रमेश हमाल, जसपाबाट रामसहायप्रसाद यादव र रकम चेम्जोङ सदस्य छन् ।
त्यस्तै राष्ट्रिय जनमोर्चाबाट हिमलाल पुरी र आनन्द शर्मा सदस्य रहेको छन् ।

उनीहरुले सिट बााडफााटको नीतिगत मापदण्ड बनाउनेछन् । त्यसपछि कार्यादलले दिएको रिपोर्टका आधारमा गठबन्धन दलका शीर्ष नेताहरु बसेर भदौं पहिलो सातासम्ममा सिट बाँडफाँटको अनितम टुग्गो लगाउने गठबन्धन दलका बीचमा समझदारी बनेको छ ।

कार्यदलले साउन मसान्तभित्र सबै निर्वाचन क्षेत्रको तथ्य आँकलन गरी सीट बाँडफाँटको मोडालिटीसहितको सुझाव पेस गर्ने बताइएको छ ।