काठमाडौँ । रुपन्देही, दाङ र सुनसरीमा डुबेर तीन जनाको मृत्यु भएको छ । रुपन्देहीको देवदह नगरपालिका ९ भलुहीस्थित भलुही खोलामा माछा मार्ने क्रममा डुबेर एक जनाको मृत्यु भएको छ ।

मृत्यु हुनेमा नवलपरासी पश्चिम सुनवल नगरपालिका ७ अस्नैया बस्ने ४० वर्षीय भिम चौधरी छन् । उनको शनिबार मृत्यु भएको हो ।

दाङको लमही नगरपालिका ६ बेल्दमारस्थित अर्जुन खोलामा साथीसँग नुहाउने क्रममा डुबेर घोराही उपमहानगर २ बुका बस्ने २६ वर्षीय निराजन पोख्रेलको शनिबार मृत्यु भएको छ ।

सुनसरीको बराहक्षेत्र नगरपालिका १ चतरास्थित झुम्का चतरा नहरमा डुबेर सोही नगरपालिका १ पुर्नबास बस्ने ५४ वर्षीय विनोद कुमार काफ्लेको शनिबार मृत्यु भएको छ ।