काठमाडौँ । नेपाल टेलिकमले ग्राहकको सहजताका लागि भारतमा कल गर्न इण्डिया भ्वाइस प्याक उपलब्ध गराएको छ । हिजो (२०७९ भदौ १)देखि लागु भएको यस प्याकेजअन्तर्गत उपलब्ध दैनिक, साप्ताहिक र मासिकमध्ये आफूलाई उपयुक्त अफर छनोट गरी सदुपयोग गर्न सकिन्छ ।

इण्डिया भ्वाइस प्याक– डेली अफरअन्तर्गत २४ घण्टा (एक दिन)मा १७ मिनेट कुराकानी गर्न सकिने प्याक जम्मा ५९ रुपैयाँमा उपलब्ध छ । त्यसैगरी बिक्ली अफरअन्तर्गत ७ (एक हप्ता) दिनसम्म ७५ मिनेट र मासिक अफरअन्तर्गत ३० दिन (एक महिना)सम्म २२१ मिनेट कुराकानी गर्न सकिने प्याकहरू क्रमश २५९ मा र ७५९ रुपैयाँमा उपलब्ध छन् ।

एक्सेस कोडहरू ००, १४२४, १४२५ वा १४४५ प्रयोग गरी भारतमा उपलब्ध कुनै मोबाइल तथा टेलिफोन नम्बरमा कल गर्न सकिन्छ । यो प्याकेज गरिद गर्नका लागि आफ्नो मोबाइलबाट *१४१५# डायल गरी ७ नम्बर छनौटपश्चात् खरिद प्रक्रियाअघि बढाउन सकिन्छ ।

कम्पनीको ‘नेपाल टेलिकम’ एपबाट यससम्बन्धी जानकारी लिन तथा सेवा खरिद गर्न सकिन्छ ।