काठमाडौँ । चुनावमा बम विस्फोट हुँदा घाइते भएकाहरूलाई जिउँदै इँट्टा भट्टामा हालेर हत्या गरेको आरोपमा जेलमा रहेका मोहम्मद अफताब आलम सर्वसम्मत लागि सिफारिस भएका छन् ।

अफताब नेपाली कांग्रेसबाट प्रतिनिधिसभा सदस्यका लागि कांग्रेसको रौतहट क्षेत्र नम्बर २ बाट सर्वसम्मत भएका हुन् ।

क्षेत्र नम्बर क्षेत्रीय कार्य समितिको बैठकले बिहीबार आलमको नाम एकल रुपमा सिफारिस गरेको हो । केन्द्रको निर्देशनअनुसार औपचारिकताका लागि महिलाबाट अञ्जु झाको नाम सिफारिस भएको छ ।

आलमले ०६४ सालको चुनावमा विष्फोटक पदार्थ बनाउने क्रममा घाइते भएका आफ्ना कार्यकर्ता तथा भाडामा भारतबाट ल्याएका व्यक्तिलाई पोल खुल्ने डरले करिब दुई दर्जन व्यक्तिलाई भट्टामा हालेर जिउँदै जलाएका थिए ।