काठमाडौं । चन्द्रागिरी नगरपालिका २ नागढुङ्गाबाट नियन्त्रित लागू औषधसहित एक जनालाई प्रहरीले पक्राउ गरेको छ ।

पक्राउ पर्नेमा सिरहा लक्ष्मीपुर पतारी गाउँपालिका ५ बस्ने २६ वर्षीय प्रगास यादव छन् । उनलाई शुक्रबार बिहान प्रहरीले पक्राउ गरेको हो ।

उनको साथबाट नाईट्राभेट ८९७ ट्याब्लेट, डाइजेपाम ५२ एम्पुल, बुप्रेनोर्फिन ५२ एम्पुल र फेनारगन ५२ एम्पुल बरामद गरिएको प्रहरीले जनाएको छ ।

सिरहाबाट काठमाडौंतर्फ आउँदै गरेको बा ५ ख ८०८९ नम्बरको बसलाई प्रहरीले जाँच गर्ने क्रममा प्रगासलाई झोलामा लुकाएर ल्याएको अवस्थामा उक्त लागू औषधसहित पक्राउ गरेको हो ।