बुटवल । बुटवलका तीन जना बालक भारतको मुम्बईमा बेहोस अवस्थामा फेला परेका छन्। बुटवल उपमहानगरपालिका वडा नं ११ दुर्गानगरका १५ वर्षीय सागर पौडेल, १५ वर्षकै समीर लम्साल र १४ वर्षका प्रदीप पन्थी शुक्रबार नवीन औद्योगिक मावि कक्षा ९ मा पढ्ने दुई जना र नहरपुर मावि कक्षा ८ मा पढ्ने एक जनासँग विद्यालय जान भनी सँगै घरबाट निस्केका थिए।
शुक्रबार विद्यालय जान जान भनेर घरबाट हिँडेका ३ बालक बेपत्ता थिए । मुम्बईको केरला स्टेशनमा भेटिएको र उनीहरुको बेहोसीजस्तै अवस्थामा रहेको खुलेको छ । हराएका मध्ये विपि लम्सालका बुबाका अनुसार मुम्बईको केरला स्टेशनमा भेटाएको खबर हामीलाई शनिबार राती २ बजे आएको छ उनीहरुको होसमा छैन भन्ने खबर आएको छ ।

इलाका प्रहरी कार्यालय बुटवलका प्रमुख ठगबहादुर केसीले अभिभावकले विद्यार्थी भेटिएको जानकारी दिएको र उनीहरुलाई सहज तरिकाले ल्याउन र यसको कारण पत्ता लगाउन अनुसन्धान गरिने जानकार दिए । उनीहरू विद्यालय जान भनेर घरबाट हिँडे पनि विद्यालयमा हाजिर नभएपछि परिवारले प्रहरीमा खबर गरेको थियो ।