काठमाडौँ । विदेशमा गएर अध्ययन गर्दा अभिभावक र छोराछोरीबीच उत्पन्न हुने तिक्त्तताको विषयमा आधारित फिल्मको टिजर सार्वजनिक भएको छ । मगन इन्टरटेनमेन्टको ब्यानरमा निर्माण भएको शर्ट फिल्म ‘उच्च शिक्षा’को टिजर सार्वजनिक भएको हो ।

सामान्य परिवारको समसामयिक घटना क्रमलाई आधार मानेर निर्माण भएको यस फिल्मको लेखन तथा निर्देशन रजिन महर्जनले गरेका हुन् । रामचन्द्र महर्जन र जमुना महर्जन निर्माता रहेको यस फिल्म नेवारी र नेपाली दुवै भाषामा सार्वजनिक गरिने छ ।

बिक्रम महर्जन सह निर्देशन र सञ्जिव रत्न शाक्यको कलरकरेक्शनमा तयार भएको फिल्ममा मुख्य पात्रको रुपमा लक्ष्मी कुमार महर्जनका साथै क्रिसल श्रेष्ठ, कृष्ण भक्त महर्जन, सुदिप भजु, सकिना बट, श्रयम महर्जनलगायतको अभिनय रहेको छ । यसलाई उत्तम हुमागाईको टिमले छायांकन गरेको हो ।

यस फिल्मलाई मगन इन्टरटेन्मेन्टको युट्युव च्यानलबाट सार्वजनिक गरिने छ ।